CAGAYAN DE ORO CITY-Gipaubos sa floating status ang pulis nga giakusahan nanumbag sa sibilyan ug nagpabuto sa armas diha sa Brgy Gusa sa syudad sa miaging semana.
Kini human gihulat ni City Police Director Sr/Supt Robert Roy Bahian ang resulta sa parrafin test batok kang PO3 Zosimo Haclad Hali.
Namahayag si C/Insp Mardy Hortillosa,tigpamaba sa Cagayan de Oro City Police Office o COCPO nga bug-at ang akusasyon batok Hali ilabina kon mapamatud-an nga nagpabuto kini sa armas.
Hinoon,libre na kini sa atrasong kriminal kay wala manumbong ang biktima nga si Alex Magdayag.
Hisayrang gikuhaa’g panig sa Bombo Radyo si Hali samtang detinado pa kini sa mini-cell sa Agora Police Station apan nagdumili kini nga magpadayag sa komento kabahin sa pasangil batok kaniya.
