CAGAYAN DE ORO CITY – Gisugdan na sa Scene of the Crime Operatives o SOCO ang imbestigasyon kon kinsa sa duha ka pulis ang nakaigo sa upat ka sibilyan human sa nahitabong misencounter diha sa Brgy Puerto ning syudad sa miaging semana.
Gibutyag ni COCPO spokesperson Police Lt. Col. Mardi Hortillosa nga mag-atubang sa kasong administratibo ug reckless imprudence resulting to physical injury ang pulis nga mapamatud-an nga nakapusil nila ni Jaymar Canencia, Mary Ann Ordaña,Darlene Eduave ug Elenita Salinay.
Dugang ni Hortillosa nga ilang nasuta nga walay personal nga pagbikil sila si Police Staff Sergeant Arman Tagolimot sa Misamis Oriental PNP ug Police Chief Master Sergeant Jose Ryan Sevillano sa Puerto Police Station nga posibleng miresulta sa pagpinusilay.
Nasayran nga wala magkailhanay ang duha ka pulis dihang dunay unang natigayon nga pagpamusil sa sibilyan sa maong lugar sa miaging semana.
