Gikumpirma ni Philippine National Police (PNP) PGen. Jose Melencio Nartatez nga kasamtangan anaa sa restrictive custody sa Aviation Security Group ug gi-relieved na sa iyang pwesto si Police Master Sergeant Aileen Jayne Manalo Mendoza tungod sa pagkalambigit niini sa ilegal nga droga.
Matud ni Naratatez. si Mendoza ang nag-arrange sa arrival sa flight sa hangar diin maglanding unta ang eroplanong gikan sa Laos nga adunay kargang 521 ka kilo nga drug shipment. Mahinumdoman nga maong drug shipment kay napugngan ug nakumpiska sa mga otoridad sa nasud sa Laos ang mga drug shipment nga nagbalor og 3.5 bilyon pesos.
Dugtong niini, gibutyag usab ni Nartatez nga anaa sa Pilipinas ang usa sa mga matud pa suspek sa maong transaksyon nga giila sa alyas ng Sultan ug natino usab sa otoridad ang 13 pa ka indibidwal nga nalambigit sa maong ilegal nga bulohaton. (raniel mahunyag)
