CAGAYAN DE ORO CITY – Napasaka na sa kapolisan ang kasong multiple frustrated murder batok sa pulis nga naghinubog ug namusil sa 4 ka sibilyan sa Brgy Luyong Bonbon, Opol, Misamis Oriental.
Kini human nagpakita sa dili maayong taras ang suspek nga si PO3 Luben Ojas ngadto sa mga sibilyan hinungdang nahitabo ang komosyon sa maong dapit sa nag-agi nga semana.Nalupig si Ojas hinungdan nga mikuha’g mga armas ug gipangpusil ang mga sibilyan diin nagresulta sa ilang pagkaangol.
Miingon si PO3 Richard Amoguis,imbestigador sa Opol Police Station nga mas gi-prioridad nila ang kasong multiple frustrated murder itandi sa uban pang kaso kay mas bug-at kini nga magduot sa suspek.Una nang misulti si PNP-Maritime Misamis Oriental-Cag de Oro Station 101st commander C/Insp Randy Naval nga giunhan sa mga sibilyan si Ojas hinungdan sa komosyon nga nagresulta sa pagkailog niini’g armas nga nagresulta sa pagpamusil.
