CAGAYAN DE ORO CITY – Patay ang police patrolman sa pag-ambush sa motorcycle in tandem suspects sa Anwar Street,Marawi City kagahapon sa hapon.
Giila ni Lanao del Sur PNP Director Col Madzghani Mukaram ang biktima nga si Patrolman Abdul Mojib Ditucalan,38 anyos,minyo ug nagpuyo sa maong dapit.
Miingon si Mukaram nga sakay sa kaugalingong sakyanan ang biktima kuyog ang iyang minor de edad nga anak dihang kalit sila gipusil sa wala mailang mga suspek hinungdan sa kamatayon niini.
Gidala pa sa Amai Pakpak Medical Center si Ditucalan apan patay na kining naatiman sa mga doktor.Gipaubos usab sa medikasyon ang anak sa pulis kinsa natapsingan sa bala ang ulo niini.
Narekober sa crimes scene ang daghang kapsula sa gigamit nga sa kalibre 45 nga gigamit sa mga suspek ngadto sa mga biktima.
Gisuta pa sa mga otoridad kon unsay motibo kon nganong gipatay si Ditucalan kinsa naka-destino sa Personnel Holding and Accounting Unit sa Lanao Sur PNP.
