CAGAYAN DE ORO CITY – Nasubo ang liderato sa Police Regional Office 10 sa kamatayon sa ilang aktibong pulis tungod lang sa disgrasyang pagkapusili sa kaugalingong lihok gamit sa iyang armas samtang nag-duty sa 1001st Manuever Company sa RMFB 10 sa Brgy Samay,Gingoog City,Misamis Oriental.
Kini human nakaabot kang PRO 10 regional director Brig Gen Ricardo Layug Jr ang gidangatan ni Police Chief Master Sgt Marlon Valdesco,team leader sa RPSB sa RMFB sa maong syudad.
Namahayag si Gingoog City Police Station commander Police Lt Col. Cecilio Orcullo nga aksidente ug walay foul play sa kamatayon sa biktima.
Gikompirma ni Orcullo nga naigo ang hita ug milahos sa kinatawo sa biktima ang bala sa mibuto nga 9mm pistol rason nga dead on arrival ang biktima nga nadala sa ospital sa miaging gabii.
