CAGAYAN DE ORO CITY – Gikasubo sa mga pulis nga naglangkob sa Bukidnon 2nd Provincial Mobile Force Company ang kamatayon sa ilang kauban gumikan sa road crash sa lungsod sa Maramag,Bukidnon.
Kini ang rason nga naka-half mast ang bandilang Pilipinhon sa headquarters sa 2nd PMFC gumikan sa sakit nga kamatayon ni Police Corporal Windyl Jay Camay epekto sa pagbangga sa punuan sa kahoy sa gisakyang kotse.
Gibutyag ni Bukidnon 2nd PMFC commander Lt Col Alfredo Ortiz Jr nga bug-at ang ilang mga pagbati sa gidangatan ni Camay kinsa lig-on sa kaakuhan sa serbisyo ug anaa ang kaisog sa pagpanalipod sa nasud.
Tungod niini,gipaabot sa tibuok PNP ang ilang pagsimpatiya ug mga pag-ampo ilabina sa mga pamilya sa biktima nga anaa sa sobrang kasub-anan.
Siya miingon nga Nawala man si Camay apan dili mahitabo nga makalimtan.
