CAGAYAN DE ORO CITY – Gikasubo sa Police Regional Office -10 ang kamatayon sa usa sa ilang upat ka pulis nga naangol kay gipabutha’g M203 rifle sulod sa quarantine control point sa Brgy Potongan,Concepcion,Misamis Occidental.
Kini human wala na maantos ni Cpl Marvin Intong ang samad nga naangkon niini sa paa nga nagresulta sa daghang dugo nga miagas dihang naigo sa pag-atake sa mga rebelde.
Miingon si Misamis Occidental Provincial Police Office Director Col Danildo Tumanda nga makaduha gipaubos sa operasyon si Inyong gumikan sa pagka-igo sa dako nga ugat niini sa iyang paa.
Sa pikas bahin,luwas na sila si Staff Sgt Larry Millan,Cpl Leo Gumasid ug Patrolwoman Richel Tanola kinsa kabahin sa naangol sa hitabo.
Hinoon,napatay usab sa kapolisan ang usa ka rebelde nga gikan sa Guerilla Front Committee Sendong sa CPP-NPA nunot sa maong hitabo.
