CAGAYAN DE ORO CITY – Padayon ang paggukod sa kapolisan ug militar batok sa armadong grupo nga mi-ambush sa patrol car sa Picong Municipal Police Station sa Lanao del Sur.
Kini human nag-resulta sa pagka-igo apan luwas na si Police Patrolman Hashemi Lidasan Sumusod ang maong ambush incident kagahapon sa buntag.
Namahayag si Lanao del Sur Police Provincial Office Director Col. Roberto Daculan nga may gidudahan na sila kon kinsa ang grupo nga responsable apan gusto nila kini madakpan aron imbestigaran ug makasuhan.
Mihimo’g pagpatrolya ang team ni Sumusod dihang kalit sila gipa-ulanan sa mga bala hinungdan nga siya ang naigo ug paspas gidala sa ospital sa lungsod sa Malabang kagahapon sa buntag.
Ang 28 anyos nga si Hashemi nadestino sa Picong Metropolitan Police Service ug lumad taga-Zone 1,Barangay Muricay,Pagadian City,Zamboanga del Sur.
Hisayrang na bag-o ang mga kaso sa ambush sa Lanao Sur kay sa miaging mga katuigan,may mga pulis gihapon nga nakalas kay mga biktima sa pagpanabotahe sa pipila ka grupo sa mga armado.
