CAGAYAN DE ORO CITY – Mag-atubang sa patung-patong nga kasong kriminal ang pulis nga nagpabuto’g armas nga unang nadakpan sa Brgy Carmen Annex,Ozamiz City,Misamis Occidental.
Giila ni Ozamiz City Police Station commander Maj Dennis Tano ang suspek nga si Patrolman Betzer Baluran Pilar, nga taga-Maguindanao ug nadestino sa Bacolod Kalawi Police Station.
Kabahin sa atubangon ni Pilar ang alarm and scandal ug illegal discharge of firearm gumikan sa pagpabuto gamit ang 9mm pistol.
Nagdumili na paghatag komento ang suspek kabahin sa iyang gidangatan.Nasayran nga daw dagha’g suliran nga giatubang ang suspetsado.
