CAGAYAN DE ORO CITY – Kasuhan sa frustrated murder ang duha sa 3 ka suspetsado pagpusil sa usa police intelligence officer sa Purok 3,Brgy Batangan,Valencia City,Bukidnon.
Kini human naka-survive ang biktima nga si Police Corporal Raymond Fabela,hingkod ang edad ug aktibo nga sakop sa Valencia City Police Station.
Miingon si PRO 10 spokesperson Police Maj Joann Navarro nga wala molayo sa anggulo nga may kalabutan sa anti-drugs operations kon nganong tuyo patyon si Fabela.
Unang naila ang suspek nga si Danilo Saunico kinsa unang namusil sa biktima sa miaging kadlawon.
Apan walay suwerte si Saunico kay naigo ang dughan niini samtang sa abaga lamang si Fabela.Naka-eskapo ang duha ka kauban ni Saunico apan sila kasuhan gihapon sa frustrated murder.
