CAGAYAN DE ORO CITY-Gisilutan sa pag-bartolina ang usa sa mga pulis nga akusado sa pagdagit sa negosyanteng si Enrique Fernandez III sulod diha sa Misamis Oriental Provincial Jail o MOPJ.
Kini human giingong nagpasiugda si PO3 Alejandro Ubanan sa live-show tali sa lalaki ug bayot nga piniriso sulod sa maong prisohan sa miaging semana.
Mismo si Jail Warden Dominador Boy Tagarda ang mipahamtang sa maong silot pinasikad sa MOPJ disciplinary board batok kang Ubanan.
Una niini,miangkon ang maong mga binilanggo nga gipag-live show sila ni Ubanan hinungdan nga gipaubos sa imbestigasyon ug gipahamtanga’g silot.
Giklaro usab ni Tagarda nga nahumana ni Ubanan ang iyang silot sa bartolina.Sa pagkakaron,kasamtangang gipaslak sa bortolina na usab ang mismong nalambigit sa live-show.
Dumduman nga gihataga’g tag-P100 ni Ubanan ang duruha aron mohimo sa maong law-ay nga binuhatan.
Hisayrang si Ubanan ang nabalhin sa MOJP gikan sa city jai tungod sa pagbangi-bangi na sa maong mga pulis tungod sa pagdagit ug pagka-missing kang Fernandez nga nahitabo niadtong Oktubre 2016 sa syudad.
