CAGAYAN DE ORO CITY – Gi-imbestigaran sa kapolisan kon konektado sa ‘rido’ ang motibo pag-ambush kang Masiu Mayor Nasser Pangandaman Jr sa Lanao del Sur.
Kini human samaron ang tulo ka pulis nga security escort ni Pangandaman dihang natigayon ang pag-ambush kanila sa Buadipuso-Buntong sa maong lugar.
Miingon si Lanao del Sur Provincial Police director Col. Madzgani Mukaram nga naila ang mga biktima nga sila siolice Police Cpl. Jabbar Pangandaman ug ang duha ka sibilyan nga sila si Jammal Gabriel Pangandaman ug Casanoding Mangando.
Dugang ni Mukaraam nga padulong sa Municipal Peace and Order Council meeting si Pangandaman sakay sa Toyota Innova dihang gi-ambush sa mga suspek apan wala maigo.
Paspas nga misibat ang mga suspek human sa krimen apan nabilin sa crime scene ang mga tag-as nga kalibre sa armas. Kasamtangang gitambalan ang mga biktima sa Amai Pakpak Medical Center sa Marawi City.
