CAGAYAN DE ORO CITY – Nakasuhan na sa PDEA 10 ang aktibong pulis ug laing unom ka suspected drug pushers-users sa pagsupak sa Dangerous Drugs Act of 2002 sa piskalya ning syudad.
Kini human unang nalusob sa mga operatiba sa PDEA ang duha ka suspected drug dens nga nakabase sa Brgy Gusa ug Brgy Bayabas ning syudad.
Giila ni PDEA 10 regional director Atty Benjamin Gaspi ang mga dinakpan nga si Police Staff Sgt Clark Nob nga ubos sa Bukidnon Police Provincial Police Office;John Fermin Cantiga;Aljohn Lumagbas,Irish Abdullah,Rolando Blanco,Roy Blanco ug Richard Detecio nga pulos nagpuyo dinhi sa syudad.
Nabawi gikan sa mga dinakpan ang 16 gramos nga gitoohang shabu nga dunay estimated value nga halos gatos-mil pesos ug ubang paraphernalia sa maong magkalahi nga operasyon.
