CAGAYAN DE ORO CITY – Gikasuhan sa kapolisan ang aktibong pulis kuyog ang aktibong empleyado sa brgy nga nadakpan sa anti-illegal drugs operations sa Mahagonny Street,Brgy Carmen ning syudad.
Giila ang mga dinakpan nga sila Police Cpl Dave Nieves,32 anyos,minyo nga taga- Brgy Gusa ug nadetino sa Nazareth Police Station 9 ug Jasper Laniosa,25 anyos nga taga-Brgy Carmen.
Saysay ni COCPO spokesperson Lt Col. Evan Viñas nga kanhi na nag-positibo sa paggamit sa ilegal nga droga si Nieves hinungdang wala na kini mawala sa intelligence monitoring sa dakbayan.
Siya miingon nga akto nga nasapon ang duruha nga naghithit sa gitoohang shabu apan nakasibat ang target sa operasyon nga si Yuriel Merto Roa,24 anyos.
Tipik sa nabawi gikan sa mga suspek ang pipila ka sachets nga dunay gitoohang shabu ubang paraphernalia rason nga gikasuhan sa pagsupak sa akta republika 9165 sa piskalya ning adlawa.
