CAGAYAN DE ORO CITY – Manguli na sa ilang mga pinuy-anan karong adlawa ang gatusang residente nga nanghikling tungod sa kalisang sa pag-engkuwentro sa PNP ug rebeldeng New People’s Army o NPA sa Purok 6,Brgy Pelaez,Gitagum,Misamis Oriental.
Kini human hapsay na ang maong brgy gikan sa pagsinukliay sa mga bala sa duha ka pundok nga miangol sa usa ka pulis ug giingong sakop sa rebelde sa sunod-sunod nga engkuwentro ning semanaha.
Gibutyag ni Misamis Oriental Provincial Police Office Director Col Raniel Valones nga giduso na nila ang rekomendasyon sa civilian govt aron hinay-hinay nang ibalik ang 500 ka residente sa nabiyaan nila nga mga pinuy-anan sugod sa miaging adlaw’ng Lunes.
Una nang nakadagan sa tulo ka evacuation centers ang mga biktima aron dili maipit sa mga bala sa maong engkuwentro.
