CAGAYAN DE ORO CITY-Patay ang usa ka pulis human giluthang sa iyang kaubang pulis diha sa may Natividad, Migcanaway, Tangub City, Misamis Occidental.
Maoy namatay ang biktima nga si P03 Arnel Sumalipao kinsa nakadestino sa Tubod Police Station sa Lanao del Norte samtang giila ang suspek nga si SP02 Joel Manzano, nakadestino sa Tangub City Police Station sa Misamis Occidental.
Base sa report, kalit lamang gipusil ni P03 Sumalipao sa wala gikabutyag nga rasonm si SPO2 Manzano ug mga kauban niini.
Tungod niini, mibalos si SP02 Manzano hinungdan nga napatay ang biktima.
Kasamtangang nagpaalim sa balay tambalanan si SPO2 Manzano, kauban nga si Junry Compayan human makaangkon og samad pinusilan.
Nagpadayon pa ang imbestigasyon sa kapulisan sa maong pagpamusil.
