CAGAYAN DE ORO CITY -Pagkapapha sa pagsilbing sakop sa Philippine National Police ang hayan dangatan sa aktibong pulis kon tinud-on sa legal wife nga e-reklamo ang pagbaton niini as suspected ‘extra-woman’ nga unang nadakpan sulod sa boarding house nga nahimutang sa tiilan sa headquarters sa Police Regional Office 10 sa Barangay Lapasan ning syudad.
Kini ang gibutyag ni Cagayan de Oro City Police Office spokesperson Police Lt Col. Evan Viñas kabahin sa gidangatan sa ilang sakop nga si alyas Marko kinsa aktibong nadestino sa City Mobile Force Company (CMFC) diin apil nadakpan ang giingong kukadidang niini nga si alyas Kris.
Siya miingon nga pursigido ang legal wife nga moduso’g kasong concubinage batok sa iyang banang pulis ug sa babaye nga gitoohang maoy nakaguba sa ilang kaminyoon.
Miingon si Viñas nga dili lang kriminal apan kasong administratibo ang atubangon ni Marko nga kon makit-ang sad-an,papha sa trabaho ang dangatan.
Una nang mihangyo ang legal wife nga pugngan nga manganlan atubangan sa publiko ang iyang bana aron kalikayan nga maapektuhan ang dungog sa ilang pamilya.
Sa pagkutlo ning balita,mas gipili sa mga dinakpan nga magpakahilom motubag sa akusasyon.
Laumang ipasaka sa legal wife ang kasong kriminal sa iyang pinanggang bana ug extra woman sa piskalya ning syudad ugmang adlawa.
