CAGAYAN DE ORO CITY – Kritikal ang police officer nga nakig-pinusilay sa suspected drug pusher diha sa PN Roa Subd,Sitio Calaanan,Brgy Canitoan sa syudad.
Kini human nakabantay ang drug pusher suspect nga si Junryl Cabañez, alyas Jojo,33 anyos,minyo nga taga-Bukidnon nga pulis ang iyang ka-transaksyon sa gilusad sa buy bust operation batok kaniya kagabii.
Miingon si Capt Julius Saluta,commander sa Agora Police Station nga kalit mibunot sa 45 pistol si Cabañez ug gilayong pusil kang Police Corporal Landemar Jaraula hinungdan naigo kini sa iyang lawas.
Paspas naka-balos ang backup ni Jaraula hinungdan napatay usab nila si Cabañez tungod sa iyang duha ka igo sa lawas.
Nasikop usab ang uyab ni Cabañez nga si Grace Laroche,45 anyos nga taga-Opol,Misamis Oriental atol sa operasyon.
Kasamtangang naka-confine si Jaraula sa pribadong ospital samtang naigo sa iyang likod.
Na-rekober sa crime scene ang armas sa suspek,balor 36-mil pesos nga gitoohang shabu,marijuana ug ang ubang mga ebedensiya.
Samtang nakurat ang higala sa suspected drug pusher nga may kalambigitan kini sa ilegal nga droga hinungdan nahitabo ang dugu-ong pinusilay diha sa Sitio Calaanan,Brgy Canitoan sa syudad.
Miingon si Grace Laroche nga bag-o ra sila nag-ila ni Cabañez, alyas Jojo ug nagplano pa unta kini nga iyang tabangan makabaton sa mga legal nga ID aron makabiyahe sa Bukidnon.
Namugos si Laroche nga wala sila’y relasyon ni Cabañez apan su-od lamang nga higala.Apan subay sa kapolisan,nalambigit sa ilegal drugs operations ang duruha diin gigamit nila nga transport vehicle ang taxi palibot ning syudad.
