CAGAYAN DE ORO CITY – Naghikog-patay ang usa ka pulis sa Purok 5, Baybay, Tinagsa, Kolambugan, Lanao del Norte.Giila ang biktima nga si Patrolman Joseph Sherwin Daligdig, 32, ulitawo, molopyo sa maong dapit ug miembro sa Provincial Holding and Accounting Unit o PHAU.
Gipusil ni Daligdig ang iyang liug gamit ang shutgun ug milapos sa ulo nga nagresulta sa iyang kamatayon.
Sumala ni Kolambugan Police Station Officer-in-charge Capt. Marlone Dahili nga may giluom nga problema ang biktima nga posibleng nagtuklod niini sa pagpakamatay.
Dugang ni Dahili nga sa wala pa mahitabo ang paghikog,nabantayan na sa ginikanan sa biktima nga halos dili na kini gagawas sa ilang balay gikan mag-duty.
