CAGAYAN DE ORO CITY-Gipaubos sa otopsiya sa kapolisan ang patay’ng lawas sa pulis nga namatay samtang nag-duty sulod sa Kalipay Hall, Camp Alagar, Brgy Lapasan ning syudad.
Matud ni PNP regional spokesperson Supt Lemuel Gonda nga gideklarang ‘dead on arrival’ sa Capitol University Medical Center ang biktimang si P01 Jungy Aranza, legal age, minyo ug residente ning syudad.
Base sa report, nakurat ang kauban sa biktima human wala na kini mimata sa dihang gipukaw.
Nagtoo ang investigating team sa PNP-10 nga posibleng namatay sa sakit ang biktima human gibutyag sa kapikas niini nga aduna kini gibati nga sakit.
