CAGAYAN DE ORO CITY – Detinado ang wing-van driver nga nakaligis-patay sa aktibong pulis nga unang nagsakay sa motorsiklo sa coastal road,Brgy Gusa ning syudad.
Giila ni COCPO Traffic Unit chief Col Glen Fausto ang biktima nga si Police Col Armando Fernandez,taga-Purok 2-C,Brgy Gusa ug kasamtangang nadestino sa Misamis Oriental PNP.
Subay sa inisyal nga imbestigasyon,nalatayan sa atubangang ligid ang biktima hinungdan sa kamatayon niini.
Una nang gi-depensa sa driver nga si Bebito Veluz,45 anyos nga taga-Zamboanga del Sur mag-deliver unta kini sa bottled water gikan sa Cugman padulong sa ilang bodega sa Brgy Kauswagan ning syudad sa dihang kusog ang dagan biktima padulong kaniya.
Nangayo na lama’g pasaylo ang suspek sa pamilya nunot sa hitabo.
