CAGAYAN DE ORO CITY – Itugyan na sa Police Regional Office 10 ang ilang bagitong pulis sa kustodiya sa provincial jail nunot sa kamatayon ni late Police Corporal Jeffrey Dabuco kinsa gipatay samtang naka-duty sa 1004th Manuever Company Detachment sa Regional Mobile Force Compay sa Kalilangan,Bukidnon.
Kini human kompirmaha ni PRO 10 spokesperson Police Maj. Joann Navarro nga gikasuhan na’g murder sa piskalya ngadto sa korte si Police Corporal Robert Jun Singcay subay sa mga ebedensiya nga nagtumbok kaniya sa kremin.
Siya miingon nga wala pa’y labot niini ang kamulo nga pagdungog usab sa kasong administratibo batok sa napulo ka kauban ni Dabuco nga ulahi niya gikauban sa wala pa mahitabo ang kremin niadtong Hunyo ning tuiga.
Hisayrang napulo sa mga pulis nga kauban ni Dabuco ang ubos usab sa camp restriction samtang padayon ang imbestigasyon sa kasong administratibo.
