CAGAYAN DE ORO CITY- Nasikop sa hiniusang police operasyon ang pulis nga giingong nagpayuhot sa gidiling droga sa Sitio San Vicente,Brgy Casinglot,Tagoloan,Misamis Oriental.
Kini human gilusad ang buy bust operation hinungdan nasikop si PO2 Arnold Almasor diin nakuha kaniya ang 12 ka sachets sa gitoohang shabu.
Gibutyag ni Misamis Oriental Provincial Drug Enforcement Unit head C/Insp Esperedion Biado III nga si Almasor ang taud-taod nang gi-monitor sa nagkadaiyang unit sa kapolisan ning syudad ug lalawigan.
Si Almasor ang kasamtangang na destino sa Cugman Police Station 10 nga ubos sa Cagayan de Oro City Police Office o COCPO.
Detinado sa mini-cell sa Tagoloan Police Station ang suspek samtang gihikay ang kaso ipasaka batok kaniya sa piskalya ning adlawa.
