CAGAYAN DE ORO CITY – Ipadayon sa Misamis Oriental Police Provincial Office (MOPPO) ang pagberipikar sa report kung dunay pipila ka mga pulitiko sa lalawigan ang nagsupporta sa kalihukang rebolusyonaryo ubos sa Communist Party of the Philippines – New Peoples Army.
Namahayag si MOPPO spokesperson Police Lt. Princess Joy Enriquez nga gikan sa Armed Forces of the Philippines nila nakuha ang report apan gikinahanglan sab nila kining ibalidar pinaagi sa ilang intelligence community.
Hinoon, gi-awhag ni Lt. Enriquez ang mga katawhan sa komonidad nga mudool sa police station ug dili mahadlok pagreport sa ilang nahibaw-an nga mga politiko nga nagsuporta sa kalihukan sa NPA ug kadtong ilado nga gihimong gatasan sa mga rebelde.
