Dili ma-justify isip freedom of expression o bunga sa kalagot o kasuko ang mga pulong nga nabuhian ni Bise Presidente Sara Duterte batok sa First Family ug kang kanhi Speaker Martin Romualdez, sumala pa ni Bro. Wilson Amad, usa ka catechist.
Sa usa ka interbyu sa Bombo Radyo, gitin-aw ni Amad nga ang mga opisyal sa gobyerno, ilabi na ang usa ka Bise Presidente, kinahanglang magpabilin nga sibilisado sa ilang pamulong tungod kay ang ilang mga lihok adunay dakong epekto sa kamalayan sa mga tawo, ilabi na sa mga kabataan.
Bisan pa man sa mga konteksto sa politika, gipunto ni Amad nga dili kini angay nga himuong rason aron mabalewala ang moralidad sa usa ka opisyal.
Sa katapusan, iyang gipasabot nga ang maong mga aksyon dili lang basta isyu sa lokal nga politika, kondili usa usab ka butang nga nakita sa tibuok kalibutan nga nagkinahanglan og taas nga sumbanan sa pamatasan, sumala pa sa pahayag ni Bro. Wilson Amad.
