CAGAYAN DE ORO CITY – Gitin-aw sa Cagayan de Oro City Police Office nga wala sila magkulang sa ilang pakigpulong sa mga nagkadaiyang homeowners sa syudad.
Kini ang gibutyag ni COCPO spokesperson Police Major Ivan Viñas human nasudlan ang homeowners association sa Gran Europa sa mga notoryos nga mga kriminal.
Si Viñas namahayag nga mismo si COCPO City Police Director Col Henry Dampal ang nagmando sa pulong-pulong aron maila ang tanan tawo sa usa ka barangay.
Sa maong proseso, dali ra matumbok ang mga wanted person nga makasagol sa usa ka malinawong komonidad.
