Gihagit sa pundok sa Konsumanteng Kagay-anon Inc. ang lokal nga kagamhanan ug ang mga power distributor nga susihon pag-ayo ang sistema sa bayronon sa kuryente sa dakbayan.
Namahayag si Marlon G. Libot, Presidente sa maong pundok, nga dako og tabang kon matutokan ang pagpakunhod sa nahisgutang mga galastohan aron magaan ang gibug-aton sa mga konsumidor.
Samtang giklaro usab niya nga anaa lamang sa 5 ka porsiyento ang gitugot nga system losses sa maong serbisyo.
Busa nanawagan siya sa City Council nga tun-an kini pag-ayo aron mapakunhod pa ang mga surcharge ug ang kinatibuk-ang bayronon sa kuryente sa mga Kagay-anon.
