Puro taktika ug walay stratehiya.
Kini ang pagsaway ni campaign strategist Alan German, kalabot sa “brand of government” nga gihuptan sa Marcos Administration.
Iyang gibatikos si German si Presidente Ferdinand Marcos sa pag-ingon nga puro taktika apan walay klarong estratehiya ang ilang pamunuan.
Matud ni German, nagpakita sa daghang aksiyon ang gobyerno sama sa agresibong pagpangampanya ug propaganda, apan kulang sa long-term planning ug coherent nga direksyon sa polisiya.
Gipakasama niya ang administrasyon sa usa ka behikulo nga nagpadagan lang sa mga isyu nga popular sa publiko, apan wala’y lig-on nga plano kung unsang pamaagi nga mahatagan sa solusyon ang mga nag-unang suliran sa nasud kuyog ang istratehiya sa lahutay nga pagtabang sa gobyerno.
Gihulagway usab niini ang ilang estilo sa pamunuan ni Marcos isip “reactionary” ug “short-term,” diin ang mga desisyon kasagaran base sa pressure sa media ug politika inay gikan sa mga datos ug panginahanglan sa katawhan.
Sumala pa sa mga obserbasyon ni German, ang kakulang sa estratehiya maoy usa sa mga rason ngano nga mikunhod ang approval rating sa Pangulo ug nagkadaghan ang mga protesta’g reklamo batok sa administrasyon.
