CAGAYAN DE ORO CITY-Patay kay giingong misukol sa kapolisan ang kanhi piniriso samtang gihimo ang anti-illegal drug buy bust operation sa Brgy 35 sa syudad kaganihang kadlawon.
Giila ni PO1 Melquicedec Castañares sa Cogon Police Station ang suspek nga si Brandon Yap,hingkod ang panuigon,ulitawo ug nag-abang sa boarding house sa maong lugar.
Miingon si Castaniares nga gisulaya’g pusil sa suspek gamit ang 38 kalibre nga armas ang pulis nga naka-transaction niini hinungdan nga paspas mibalos ang back up operatives hinungdan sa kamatayon niini.
Naigo sa ulo ug ubang bahin sa lawas ang biktima hinungdan sa pagkamatay niini.
Narekober sa crime scene ang tulo ka sachets sa gitoohang shabu,drug paraphernalia ug 38 kalibre nga armas.
Si Yap ang ikaduha nga suspected pusher nga napatay sa joint police operations diin nagsunod kang Abdul Wahab gikan sa Brgy Balulang sulod lamang ning semanaha.
