CAGAYAN DE ORO CITY – Wala pa gihapon madawat sa dakong ihap sa public utility drivers ang laing hugna sa fuel subsidy nga gisaad sa gobierno nga balor 6-mil 500 pesos.
Kini sukwahi sa balik-balik nga saad sa LTFRB 10 nga gilayon nang mahatag ang ayuda human ilugwa sa Dept of Finance ang pondo alang niini.
Gibutyag sa ni Cugman Liner President Raul Malubay nga dakong bakak ang gisulti sa ahensiya kay mismo siya ang wala makakuha kon unsa man ang gisaad sa gobierno.
Una nang namahayag ang National Confederation of Transport Union 10 nga dili nila isibog ang petisyon sa usbaw sa pletehan nga 5 pesos tungod sa walay hunong pagsaka sa presyo sa produktong petrolyo.
Samtang gisupak ni LTFRB 10 Director Allan Guro ang pasangil sa pipila ka drivers nga wala pa makadawat sa fuel subsidy pinaagi sa ilang pantawid pasada cards bisan natapos na ang deadline sa unang hugna sa maong ayuda.
Namahayag si Guro nga napasa na ang mga ngalan sa lihitimong operators apan pipila pa lamang ang nahatagan.
Gikontra usab sa ospiyal ang akusasyon nga gilisud-lisod ang drivers sa pagkuha sa ilang ilang subsidiya.
Dugtong usab niini,gipahibalo sa Guro ang tanang naka-rehistro sa service contracting nga ipatuman na ang ‘libreng sakay’ sa mga modernized jeepney sa rehiyon sunod semana.
Tumong niini ang “public awareness” nga hamugaway ug misaka na ang kalidad sa public transport vehicle nga mudagan sa Northern Mindanao.
