CAGAYAN DE ORO CITY- Nagtigom ang milangkob sa Roads and Traffic Administration (RTA);City Disaster Risk Reduction and Management Office (CDRRMO); City Local and Environment and Natural Resources Office (CLENRO),Bureau of Fire Protection Program (BFP) ug Philippine National Police o PNP sa Barangay hall sa Brgy Tablon kagahapong adlawa.
Miingon si Tablon Brgy Kapitan Billy Kid Auza nga tumong niini ang paghisgot sa preparasyon sa taliabot Huwebes ug Beyernes Santo.
Matud ni Auza nga syento porsyento na silang andam sa maong tinuig nga panaad sa mga devotee.
Namahayag pa ang maong opisyal nga meyerkules palang sa hapon aduna na silay mga personahe nga magbantay sa entradang bahin sa Guadalupe.
Samtang gilaumang modoble pa ang mga devotee nga mobisita sa Guadalupe sa Brgy Tablon sa umaabot Huwebes ug Beyernes Santo ning syudad. Gibutyag ni Auza nga anaa sa kapin 50-mil ka mga tawo ang mibisita sa ilang dapit sa miaging tuig sa susamang kasaulugan.
Tungod niini mas grabe pa ang ilang gihimong pag pangandam ning tuiga.
Miingon si Auza nga lakip sa ilang gitutukan nga malikayan ang posibleng grassfire busa ilang gipanghawan ang haduol sa mga Krus diin modagkot sa kandila ang mga devotees.
