CAGAYAN DE ORO CITY – Himoon karong buntag diha sa Camp Alagar ang multi-sectoral agency ‘send-off’ ceremony sa puwersa nga molangkob alang sa hapsay ug matinud-anon nga piliay sa Northern Mindanao sa May 9.
Miingon si Police Regional Office 10 spokesperson Lt Col Michelle Olaivar nga wala lamang kini molangkob sa mga pulis apan bisan sa ubang trabahante sa gobierno sa civilian government organizations nga dako’g papel sa eleksyon sunod semana.
Nag-unang tuyo niini nga dunay nag-inusara nga mensahe sa panaghiusa nga batunan ang katarong ug batukan ang tanang klase sa mga sabotahe nga mugna sa mga pundok nga tuyo bulabugon ang piliay ning tuiga.
Samtang gitakda nang ipaubos sa final testing ug sealing ang sobra 500 ka vote counting machines o VCMs nga maoy gamiton sa board of elections inspectors sa piliay sunod semana ning syudad.
Gibutyag ni City Election Officer Atty Rowell Valledor nga tuyo niini sukdon ang kapasidad sa mga makina gilayong mahulipan kon dunay mga depekto samtang may nabilin pang mga adlaw sa dili pa ang eleksyon.
Miingon si Valledor nga may mga lugar usab nga sayo ang deployment sa kagamitan sa piliay partikular kadtong mga bukid ug lisod ang lokasyon sa kalihukan sunod semana.
