CAGAYAN DE ORO CITY-Nadakpan ang usa ka person with disability o PWD nga suspek paglugos sa 13 anyos nga babaye diha sa lungsod sa Opol, Misamis Oriental.
Kini human giakusahan sa biktima nga si alyas Daisy nga gilugos siya sa suspek nga si Bigmun Mulawan samtang anaa sa sobrang kahubog sa maong lugar.
Gibutyag ni Daisy nga naglisod siya pagpugong sa suspek tungod sa kakusgan niini diin nagbahad pa kaniya nga kulatahon kon kini mohimo’g pagsumbong sa mga pulis.
Tungod niini, kasuhan sa rape ang suspek tungod sa pasangil nga gibato kaniya.
Nasayran nga unang naglayas-layas ang biktima rason nga nakakuyog sa usa ka gang ug nakaabot sa pinuy-anan sa suspek.
Samtang kusganong gihimakak sa suspect ang alegasyon ngadto kaniya.
Miingon siyanga gusto usab niya magpakuha’g medical aron masuta kon tinood ang pasangil sa biktima batok kaniya.
Detinado ang suspek sa mini-cell sa Opol Police Station tungod sa maong salaod.
