CAGAYAN DE ORO CITY – Walay nakita ang kapolisan nga ilhanan nga dunay foul play sa pagkalumos-patay sa usa ka person with disability o PWD samtang naligo sa suba sa isla Bugnaw,Brgy Consolacion ning syudad kagabii.
Giila ni Master Sgt Norman Egar,imbestigador sa Macabalan Police Station ang namatay nga si Winsor Larongo,19 anyos,ulitawo nga nagpuyo sa maong lugar.
Gibutyag ni Egar nga nakainom nga milukso sa suba ang biktima diin naigo ang dagway niini sa gi-ugbok nga kawayan sa ilawom sa tubig.
Miingon si Egar nga ang samad sa ibabaw sa mata sa biktima ang rason nganong wala kini makatunga hinungdang nalumos-patay ug kaganihang buntag na lamang nakit-an.
