Mahulipan na sa QR codes ang tanan bar codes sa mga produktong anaa sulod sa supermarkets sa Pilipinas.
Tipik kini sa gilauman nga pagpalambo sa digitalization impormasyon sa mga produkto nga makita sa mercado sa nasud.
Namahayag si acting Dept of Trade and Industry o DTI Secretary Cristina Roque nga dakug papel ang mga manufacturers sa pag-upgrade sa ilang mga pakete aron mas sayon makita sa publiko ang food value, expiry dates, gamit ang QR CODE SCANNERS.
Kauban sa DTI sa pag-implementar sa kabag-uhan ang Philippine Retailers Association (PRA) ug ang Supply Chain Management Association of the Philippines o SCMAP.
Una niini, laraw usab sa DTI nga pakusgon ang wholesale sector tungod kay mas makatipid ang katawhan sa barato nga singil sa mga whole sale products. (Bombo Ann Quileste).
