CAGAYAN DE ORO CITY, Philippines – Gitawag ni Senador Ronald Bato Dela Rosa nga mga oportunista ang mga mga naglangkob sa Quadropole Committee sa Kamarabaha.
Gihimo sa senador ang pamahayag human gitarget sa upat ka komite ang Pamilya Duterte. Gikatingala ni Dela Rosa kung nganong nabag-o ang mga baruganan nila Dangerous drugs committee head Surigao del Norte 2nd District Representative Ace Barbers ug Public order and safety committee head Santa Rosa, Laguna Representative Dan Fernandez nga niadto pulos pagtimbaya ang gipamaba sa agrisibo nga war on drugs sa Dutert Administration.
Gumikan niini, nagtuo si Dela Rosa nga pagpamulitika lang ang tumong sa upat ka komite ug wala silay laing target mao ang pagdagmal sa imahe ni Vice President Sara Duterte nga mibiya na sa gabinete sa kasamtangang administrasyon.
Gawas nila Fernandez ug Barbers, kuyog sa QuadCom ang komite nga hawid nila Human rights committee chairman Manila 6th District Representative Bienvenido Abante; ug Public accounts committee chairman – Abang Lingkod Representative Caraps Paduano.
