CAGAYAN DE ORO CITY, Philippines – Nagpagawas sa mandamiento-de-aresto ang Quadrupole Committee sa House of Representative batok sa kapikas ni kanhi Presidential Spokesperson Harry Roque tungod sa pakyas nga pagtambong sa congressional hearing sa illegal POGO activities sa Central Luzon.
Na-implikar ang ngalan ni Mylah Roque, human milugwa ang iyang perma sa mga dokumento sa “lease agreement” tali sa mga Chinese Nationals nga konektado sa POGO nga nahimutang sa Bamban, Tarlac.
Sa milabay’ng bulan, kining mga Chinese Nationals nasikop sulod sa propiedad nga gipanag-iya sa PH2, usa ka subsidiary company sa Biancham Holdings sa pamilya Roque.
Ang kapikas ni Atty Roque kanhi nadistino isip Pag-IBIG Fund trustee nga nagrepresentar sa mga private employers.
Namugos ang mga magbabalaod nga kinahanglan sikopon si Ginang Mylah aron ipapanubag sa iyang kalambigitan sa ilegal POGO transactions sa ilang kompanya.
Una niini, duna usab arrest order si Atty Roque tungod sa iyang pag-isnob sa gipangayong dokumento sama sa iyang Statement of Assets, Liabilities, and Net Worth o SALN, tax records ug daghan pang uban.
Hisayran nga dili na makita ang magtiayon sukad ang managsunod nga pagpatawag kanila sa komite
