CAGAYAN DE ORO CITY, Philippines – Nakurat ang House of Representative sa Quadrupole Committee sa kalit nga pagduot ni retired police colonel ug kanhi PCSO General Manager Royina Garma kang kanhi Presidente Rodrigo Duterte isip arkitekto sa “reward system” ug summary killings sa napatay nga mga druglords ug tigpayuhot sa ilegal nga druga sa Cebu City.
Gihimo ni QuadCom member Rep. Dan Fernandez ang pamahayag human nila nabati ang bag-ong sworn affidavit nga dala ni Garma sa Hearing sa miaging Biyernes.
Namugos si Fernandez nga makapila ka higayon namakak si Garma ug nalipay sila nga mitug-an na kini sa kamatuoran agig mando sa iyang konsienya.
