CAGAYAN DE ORO CITY, Philippines – Bag-uhon sa Philippine National Police ang ilang istilo sa pagsilbi sa warrant of arrest ni Appointed Son of God – Pastor Apollo Quiboloy.
Nunot kini sa nadawat nga “tip” sa intel division sa Police Regional Office-11 nga anaa lang sulod sa iyang compound nagtago ang founder sa Kingdom of Jesus Christ Church.
Gibutyag ni PRO 11 Director Brigadier General Nicolas Torre III sa Bombo Radyo, nga anaa ra sa sulod sa compound si Quiboloy ug dakung hagit ang pagpangita kanila tungod sa kaluag sa lugar.
Basi sa bana-bana sa kapulisan anaa sa 30 ektarya ang gilapdon sa compound sa KOJC ug nagbaton kini’g dili muminos sa 50 ka istruktura.
Kusog ang pagtuo ni Torre nga anaa lang sulod ang puganteng pastor tungod kay nakita nila ang tanang indicators basi sa sa ilang nakuhang mga impormasyon.
Hisayran nga may 10-M pesos nga patong sa ulo si Quiboloy.
