Namugos ang kontrobersyal nga si Pastor Apollo Quiboloy nga sa korte lang kini makakuha’g patas nga tratamento ug dili sa senado.
Kini ang tipik sa iyang gihatag nga mensahe nunot sa pagdungog sa Senate Committee on Women and Children ubos ni Sen Risa Hontiveros batok sa nagkadaiyang pasangil batok kang Quiboloy nga naglakip sa pakighilawas sa mga babaye nga magustuhan niini sa Kingdom of Jesus Christ Church.
Miingon si Quiboloy nga trial by publicity lang ang madali-dali sa senado aron iduot kini sa mga pasangil nga gihampak batok kaniya.
Kini ang rason nga giaghat niya ang iyang mga kanhi kauban nga dunay reklamo nga moduso’g mga kaso sa korte kay aron didto sila magtigi alang sa katarungan ug mga ebedensiya.
Si Quiboloy ang magpila ka bulan usab nagtagu-tago ayha hingpit nakuha sa gobierno dihang gilusob na sa mga pulis ang KOJC compound nga nakabase sa Davao City sa miaging Setyembre ning tuiga.
