Gipaubos na sa booking procedure ang upat ka miembro sa Kingdom of Jesus Christ Church o KOJC nga wanted sa kaso nga gikalambigitan sa prime suspect nga si Pastor Apollo Quiboloy.
Gikompirmar sa Philippine National Police ang pagdakop sa mga co-accused sa kaso nga sila Jackielyn Roy, Ingrid Canada, Cresente Canada ug Sylvia Cemañes.
Gibutyag ni PNP spokesperson Police Colonel Jean Fajardo nga lakip sa mi-surender ang pugante nga pastor human mihatag silang 24 oras nga ultimatum nga sudlon ang usa ka gambalay nga dugay nang gibantayan sa mga miyembro sa simbahan.
Nagsugod ang negosasyon pasado ala-una sa hapon ug nadesisyonan sa legal counsel sa simbahan nga ihatag ang mga wanted person bandang alas 6 sa gabii.
Human nahuptan sa kapolisan ang respondents, gikompirmar ni Fajardo nga silang tanan gipasaka sa C-130 plane gikan sa Davao City padulong sa kauluhan.
Gitin-aw sa tigpamaba ang “joint efforts” sa PNP ug Armed Forces of the Philippines ang pagpatahan kang Quiboloy.
Ilawom sa booking procedure ang pagkuha sa finger prints ug mugshots sa mga akusado.
Una niini, mismo si Department of Interior and Local Government Secretary Benhur Abalos ang mibu-ak sa balita, pasado alas 6 kagabii nga mi-resulta sa pag-trending sa ngalan ni Quiboloy sa managlahing social media platforms sa Pilipinas.(Bombo Anne Quileste).
