CAGAYAN DE ORO CITY – Andam mo-resign sa katungdanan si Philippine Industrial Authority o Phividec administrator Atty Franklin Quijano kon kagustuhan ni Pres Rodrigo Duterte nga nagtudlo kaniya sa maong trabaho.
Kini ang tubag ni Quijano sa lakang gihimo ni Misamis Oriental 2nd District Rep Juliette Uy nga gikan sa pagpasuspenso,gusto usab niini nga mo-resign na lamang si Quijano sa Phividec.
Nagsumikad ang lakang ni Uy tungod sa pakyas nga mapugngan ang mga basura sa Verde Soko Philippines Incorporated gikan sa South Korea,Hongkong ug Australian nga makasulod sa Phividec diin nakabase ang Mindanao Container Terminal o MCT.
Miingon si Quijano nga wala nga nagpagawas tuod sa press release si Uy apan wala giklaro niini kon unsa’y rason kon nganong bungkagon ang ahensiya nga iyang gipanguluhan diha sa Tagoloan ning lalawigan.
Una niini,gipangayo ni Uy sa gihimong congressional inquiry ning syudad niadtong Marso 2019 nga angay ma-suspenso si Quijano ug ang pipila ka kauban tungod sa maong kapalpakan.
