Subling mag-atubang sa bag-ong hugna sa imbestigasyon ang R&B singer nga si R. Kelly.
Nunot kini sa pagbaton ni Kelly sa kontak number sa retiradong warden sa federal lockup sa North Carolina.
Namahayag ang iyang abogado nga si Beau Brindley, nagsugod ang suliran sa singer dihang nalambigit kini sa mentor program nga gahatag giya sa mga inmates.
Ilado ang nasampit nga warden nga tigbalantay s ailang selda kundiin, sa wala pa kini mibiya, iyang gibilin ang numero, ug mitugon nga pwede siya makontak kung adunay mga inmates nga gusto mangayo’g abiso kaniya.
Duha ka inmates ang nasapon sa gidili nga kalihukan, ug lakip sa narekober ang notebook sa singer nga atua nakasulat ang numero sa miretiro nga warden.
Gumikan sa insidente gisulod na sa Kelly sa Special Housing Unit samtang nagligid ang laing kaso nga iyang gikalambigitan.
Mahinumduman nga niadtong 2021 nakombiktar ang singer sa New York tungos sa kasong racketeering, bribery, illegal sex sa mga menor de edad ug uban pang offenses, kundiin musumada sa 30 ka tuig ang iyang pagkapriso.
