CAGAYAN DE ORO CITY – Direktang gimanduan ni Police Regional Office 10 Director Brig Gen Jaysen De Guzman si Cagayan de Oro City Police Office o COCPO Director Col. Salvador Radam nga mohimo’g imbestigasyon kabahin sa mga impormasyon nga grabe ang giingong vote buying sa syudad.
Kini human komirmaha ni PRO 10 spokeperson Maj Joann Navarro nga nakaabot kanila ang mga impormasyon nga adunay naghinobra kadagko nga kantidad sa salapi isip pangbayad sa grabeng pinalitay sa mga boto sa mga kandidato ngadto sa mga botante.
Siya miingon nga kini ang rason nga gitahasan ni De Guzman si Radam nga sutaon ang maong mga impormasyon sanglit naghupot sa Commission on Elections o Comelec sa committee on Kontra Bigay nga gitahasan paglutos sa mga nalambigit sa vote buying.
Hisayrang adunay nagsulti nga adunay namalit nga mga kandidato sa mga botante gikan sa 6-mil ug giatubang usab sa 15-mil pesos ning syudad.
