CAGAYAN DE ORO CITY-Mahatagan na’g katumanan ang dugay nang pangandoy nga magbaton sa railway system ang katawhan sa Mindanao.
Kini ang gikompirmar ni Sen JV Ejercito nga naghatag prioridad sa maong dakong proyektong imprastraktura alang sa taga-Mindanao.
Miingon si Ejercito nga kini na ang ensaktong panahon nga mahatagan sa katumanan ang maong proyekto ilabina nga naggikan pa sa Mindanao si Pres Rodrigo Duterte.
Dugang ni Ejercito nga sa dili madugay sugdan ang first leg sa proyekto nga manukad sa Davao region hangtod nga malibot niini ang Mindanao ilabina nga maalagaran ang katawhan gikan dinhi sa syudad ug lalawigan.
