CAGAYAN DE ORO CITY, Philippines – Mitugpa sa ika-unom nga puwesto ang Rain or Shine Elasto Painters aron hingpit nga makasulod sa playoffs sa PBA 49th Commissioner’s Cup.
Kagabie, napukan sa Painters ang TNT Tropang Giga sa final score 106-96 didto sa PhilSports Arena, Pasig City.
Giila ni Rain or Shine head coach Yeng Guiao nga bilinhon ang ilang kadaugan kay nalutsan nila ang elimination round.
Nangulo sa midaug nga team ang ilang import nga si Deon Thompson, kinsa mitala sa 22 puntos, ug 16 ka rebounds.
Samtang 21 ug 20 puntos ang gikarga nila Anton Asistio ug Santi Santillan aron hingpit madismatol ang depensa sa TNT.
Sunod nga maka-atbang sa Painters ang no.3 Converge alang sa race-to-two quarterfinals. Samtang ang pildirong TNT makigtisar sa Hong Kong Eastern sa unang round sa knockout stages.
