Gipamatud-an sa Group B no. 1 – Rain or Shine Elasto Painters nga hawid nila ang top spot sa nagpadayong PBA Governor’s Cup quarterfinals.
Nunot kini sa pagpukan sa Elasto Painters sa Top-4 seed sa Group A, ang Magnolia Hotshots.
Natapos ang dula sa final score 109-105.
Nangunay sa kadaugan sa Elasto Painters si Aaron Fuller nga mitala sa iyang 24 points, 20 rebounds, ug 4 assists samtang midugang sa 20 points, ug 5 rebounds si Jhonard Clarito.
Unang milabaw pa ang Hotshots sa 103-98 puntos sa nahibiling 3 minutos sa dula.
Apan naputol ang labaw human napasulod ni Elasto Painter Rookie Caelan Tiongson ang iyang 3 point shots sa pagsulod sa nabiling segundos sa dula.
Wala na makabalos ang Magnolia ug nagkayagaw na ilang mga players sa gihimong fastbreak sa Painters.
Nasayang lang ang 16 puntos nga gibubo ni Hotshot import Reyvonte Rice human kini nangamote sa iyang 6 out of 20 shooting sulod sa iyang 34 minutos nga pagdula.
Hisayran nga nalipay pag-ayo Rain or Shine coach Yeng Guiao ang unang kadaugan sa iyang team human sa sobsop nga pag-depensa sa dagko nga players sa Magnolia.(Bombo Anne Quileste).
