Nag-una na sa Group B ang Rain or Shine Elasto Painters sa nagka-kulbahinam nga mga dula sa PBA Governor’s Cup.
Kini human naunhan na sa Elasto ang San Miguel Beermen o SMB kay gipukan nila sa ilang dula sa Ninoy Aquino Stadium kagabii.
Nangulo sa kadaugan sa Rain or Shine batok SMB si Andrei Caracut nga mihimo’g 20 puntos,walo ka assistst ug tulo ka rebounds.
Samtang best player of the game usab gikan gihapon sa Painters si Beau Belga nga mitala’g 16 puntos,lima ka assists,upat ka rebounds ug usa ka block.
Miabag sa kadaugan sa Elasto ang ilang import nga si Aaron Fuller nga dunay 17 puntos,11 rebounds,upat ka assists ug duha ka palak.
Samtang ang SMB gipanguluhan usab ni CJ Perez sa iyang 27 puntos inabagan ni Terrence Romeo nga dunay 24 points ug June Mar Fajardo nga may 14 puntos,12 rebounds ug duha ka assists.
