Namatikdan sa grupo sa mga negosyante sa syudad, pinaagi sa Oro Chamber of Commerce nga dili “united” ang grupo sa mga raliyesta nga milusad sa lihok protesta niadtong Nobyembre 29 ug 30.
Gihimo ni Engineer Almarico Brito, Presidente sa hugpong, ang pahayag, human nakomparar nila ang solido nga panagtapok sa mga miyembro sa Iglesia ni Cristo itande sa grupo sa mga Katoliko ug uban pang Christian Group sa ilang gilusad nga rally.
Gawas niini, gibutyag ni Engineer Brito nga aduna nay mga kausaban ug napasakaan sa kaso kalabot sa flood control corruption scandal.
Tungod sa mga kalambuan, masaligon ang mga negosyante nga mu-abante na ang dugang resulta sa gihimong imbestigasyon ug pamatud-an nga adunay kombiksyon sa kaso nga ilang gipasaka sa korte.
